籌備咗成個幾月嘅珠仔櫃，今日終於可以公佈同大家正式見面喇！

由我睇中呢個單位嗰一刻開始
心入面就一直有個好想完成嘅小夢想
「打造一個真正屬於手作人嘅空間」

其中一個就係將材料店搬入自己教室
令每一次上堂、每一次創作都可以有更多可能！

做人最緊要有得揀，做飾物更加係咁。

今次我哋特別將各種常用配件整理好，備齊唔同款式、唔同顏色，等大家喺創作時可以慢慢揀、更自由甘去做配搭，大膽做出更貼近自己風格嘅作品。
當選擇多咗，成品自然可以更加精緻、更加有個人特色

當然喇～如果你本身有選擇困難症既話
嚟到呢度可能真係要花多少少時間先揀到最心儀嗰款喇！

一個舒服又整齊嘅創作空間，絕對會令你更投入，享受更多手作既樂趣！

如果你都想親身體驗呢個全新手作空間，歡迎快啲約我哋啦！

無論係體驗班、工作坊，定係專業進階課程
我哋都已經準備好同你一齊投入手作世界